तिम्रो आँखाले मलाई साच्चै मार्छ कि जस्तो छ

एक दिन दुनिँयाको गाल पार्छ कि जस्तो छ

मायाले भरिएका लोलाएका नशालु आँखा

लठ्याई मलाई मेरो सब चोर्छ कि जस्तो छ

सधैं मलाई बोलाइरहेका बैँशालु आँखा

नजरको वाणले सिद्धान्त हार्छ कि जस्तो छ

मेरो आँखासँग एकान्तमा जुद्धा तिम्रो आँखा

जाडोमा पनि खल् खल् पसिना झार्छ कि जस्तो छ

मेरो मन रुन्छ देखेर भिजेको तिम्रो आँखा

तिम्रो दु:ख पिडा मेरो तर्फ सार्छ कि जस्तो छ

२०६४।११।११