दशैं

लिङ्गे पिङ्गमा चाचाहुँइ सररर भन्दा पो दशैं आउँथ्यो
धानको बालासँगै मन लहलह झुल्दा पो दशैं आउँथ्यो

दुई मै’ना अघि देखि हर दिन, दिन गन्नुको मजा बेग्लै
चङ्गा जस्तै आकास भरी फररर उड्दा पो दशैं आउँथ्यो

हावामा सुभाष छाउँथ्यो, माटोको पनि छुट्टै महक हुन्थ्यो
करेसा भरी सयपत्री ढकमक्क फुल्दा पो दशैं आउँथ्यो

बजार भरी दशैं रोज्दै, भिड बिच आफ्नो पहिचान खोज्दै
नयाँ लुगा अनि जुत्तासँगै गमक्क पर्दा पो दशैं आउँथ्यो

२०७३।०६।१०